Hai cercato la parola
monolingue
Torna indietro

monolingue

muart adi.
Che al à cessât di vivi
esempi
"a no è justa che jo i vedi di murî propit vuei che tal cuarp di me fradi muart i mi soi sovignût da la me zoventût"
da "I Turcs tal Friûl" di Pier Paolo Pasolini
"il guvier di Vignesie al veve regaladis dôs vacjis vivis par ogni vacje muarte"
da "Amîs come prime" di Alan Brusini
muart s.m.
Cuarp di persone cence vite
sinonimi
cuarp, cadavar
esempi
"mi capite daûr incorint la vuardie, dute sfladade, a visâmi che a vevin cjatât un muart su la strade che e mene a Sant Marc"
da "Bandiere" di Pieri Somede dai Marcs
muart adi.
Di part dal cuarp, che no si môf o che no à sensibilitât ni funzionalitât
sinonimi
dûr, fer, sec
esempi
"il vieli nol jevave sù di inzenoglât, e al veve lis mans muartis, e i voi fers: si movevin dome dôs lûs, dentri"
da "La aghe da pît la cleve" di Dino Virgili
"[Checo, çuet par une feride di vuere] al jere rivât in code, strissinant chê gjambe muarte"
da ""Jacum, spietimi!..."" di Walter Ceschia
muart adi.
Une vore strac (fig.)
sinonimi
disfat, madûr
esempi
"lis zornadis, par lui, a jerin vampis di fûc tai fors, fadie e torment dentri ta la anime. Di sere al jere muart"
da "Varc di confin" di Maria Forte
muart adi.
Di puest, cence moviment, cence int, cence iniziativis (fig.)
sinonimi
desert
esempi
"li bracadi dai cjans a disnimbrein la not. [...] I cjans a siliein la vila muarta"
da "I cjans di not" di Novella Cantarutti
"il solit drandran; mai nuie di gnûf. «Paîs muart, il nestri» e diseve la int"
da "Cui si jerial impaçât cun Modestute?" di Pieri Menis
muart adi.
Di dade di timp, cence lavôr, cence ativitât (fig.)
esempi
"di Invier, biel vie lis oris muartis, cuant che la biblioteche e jere sierade, al stave in cjase a lei"
da "Ombris tal infinît" di Carlo Sgorlon
"[par lâ a vendi i cjavei] a spetavin la ora muarta, subit dopodimisdì, cuant che a na passava nissun ta la plaça, a consegnavin il fagutut platât sot il grimâl, ai tiravin sul presit e po, cui cuatri bêçs in man a scomparivin come lari, di riscous"
da "Li streci rossi" di Novella Cantarutti
muart s.m.
[TS] (zûcs) In cierts zûcs di cjartis, il zuiadôr imagjinari che i si dan ancje a lui lis cjartis
muart adi.
Di strade, ferade e v.i., che e à nome une viertidure
esempi
"tal doman si sin cjatâts fers suntun binari muart tune stazion di Viene"
da "Il «miracul» di un ûf" di Pieri Menis
"o ai l'ufici suntune androne muarte"
da "Ah! la provincie" di Sandri Di Suald
proverbi
"al vâl plui un mus vîf che no un dotôr muart"
"beât chel muart che al plûf sul so cuarp"
"cuant che si è muarts, al è finît dut"
"cui che al è in sepulture al sa cui che al è muart"
"cui che al è muart al è in foran, cui che al vîf al mangje pan"
"cui vîf su la cjar muarte, cui sun chê vive, cui sun chê rabiose"
"dai muarts o nuie o ben"
"dal muart no rispueste, dal avâr no gratitudin"
"di just no je nome la muart"
"dulà che no si va di vîfs, si va di muarts"
"e vendeme la muart, al spiule il diaul daûr"
"fin che si è vîfs no si è muarts"
"i muarts a àn i dincj di fier"
"i muarts o che a justin o che a disjustin"
"il gjat se nol muart al sgrifigne"
"il muart al à simpri tuart"
"il muart al puarte vie ce che al à dât"
"l'om cence bêçs al è un muart che al cjamine"
"la brût su la puarte e la madone muarte"
"la muart dai çus e je la vite dai zupets"
"la muart dal lôf e je la fortune des pioris"
"la muart de piore e je la fortune dal lôf"
"la muart de piore e je la vite dal corvat"
"la muart e à simpri la sô colpe"
"la muart e fâs ducj compagns"
"la muart e ven cuant che mancul si le spiete"
"la muart e ven simpri cun cualchi scuse"
"la muart no à lunari"
"la muart no cjale in bocje"
"la muart no cjale in muse nissun"
"la muart no vûl vê mai tuart"
"lari di nature fin a la muart al dure"
"miôr un mus vîf che no un dotôr muart"
"muart jo, muart dut il mont"
"nissun nol va te buse, ogni muart e à la sô scuse"
"no bisugne nomenâ i muarts in taule"
"ogni dì la muart e ven"
"ogni muart cu la sô scuse"
"se nol cjante ai siet o ai vot, o che al è muart o che al è cuot"
"si po comedâ dut fûr che la muart"
"trê feminis par cjase: une vive, une muarte, une picjade daûr de puarte"
"trombe di cûl, sanitât di cuarp: cui che nol trombe al è muart"
Torna in Cima