SuperDizionari

osservâ v.tr.
(o-sser-vâ)

Cjalâ cun atenzion

sinonims

analizâ, calumâ, contemplâ, controlâ, lumâ, rimirâ, scandaiâ, scrusignâ, voglâ, voglonâ

esemplis

"ducj lu cjale, ducj lu osserve, / ducj lu critiche e remene"

gjavât fûr di "Par prime Messe" di Zaneto

"scartabelant i autôrs di astronomie, / e de lis stelis osservant il zîr, / un pronostic o scrîf in poesie"

gjavât fûr di "Pronostic del 1821" di Pieri Çorut

osservâ v.tr.
(o-sser-vâ)

Fermâsi cu la atenzion su alc e deventâ cussient de sô esistence e des sôs carateristichis

sinonims

notâ, visâsi, inacuarzisi

esemplis

"al veve osservât che gno barbe al doprave i imprescj dal contadin tant che i pinei: al lassave i cjamps e i ordenaris cu lis cumieris dretis dretis, cui cjantons ben staronzâts e lis striciduris cence sporcheçs"

gjavât fûr di "Gno barbe Sisto" di Luciano Gaudenzio, Michele Zanetti

"i costrutôrs di lampadinis eletrichis cun filament a cjarbon a vevin osservât che il consum dal filament al produseve chel che al vignive clamât “efiet blu”"

gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini

osservâ v.tr.
(o-sser-vâ)

Fâ notâ cuntun coment, soredut contrari

sinonims

comentâ, notâ, marcâ, rimarcâ, visâ

esemplis

"al ecuivaleve a dî, cemût che al osservà cualchidun cun ironie, che no si varessin vût di fâ dizionaris bilengâi ni pe lenghe furlane ni par altris lenghis"

gjavât fûr di "Memoriis di politiche linguistiche" di Adrian Cescje

"un di chescj al osservà: "A mi mi pâr che il Signôr al è paron di mandâ no tal infier, ma ancje a gnargnic, che al è mil miis plui inlà, cui che dal folc al vûl [...]""

gjavât fûr di "La invidiose" di Luigi Gortani

osservâ v.tr.
(o-sser-vâ)

Lâ daûr di une norme, di une indicazion, di un compuartament e v.i.

sinonims

ubidî, rispietâ

esemplis

"chei che a lavorin a àn un orari, e lu osservin"

gjavât fûr di "Doi mil francs di puntualitât" di Riedo Pup

"une volte i domandarin cui che a son chei che a osservin plui ben la leç"

gjavât fûr di "I furlans e la leç" di Riedo Pup

"il Cristianisim nol è une serie di dogmis [...], nol è une serie di comandaments di osservâ la domenie e cualchi volte dîs di vore, ma al è semplicementri un fidâsi, un lassâsi puartâ de persone di Crist"

gjavât fûr di "Crodi e mût di crodi" di Francesc Placerean

monolengâl