SuperDizionari

osservâ v.tr.
(o-sser-vâ)

Cjalâ cun atenzion

sinonimi

analizâ, calumâ, contemplâ, controlâ, lumâ, rimirâ, scandaiâ, scrusignâ, voglâ, voglonâ

esempi

"ducj lu cjale, ducj lu osserve, / ducj lu critiche e remene"

da "Par prime Messe" di Zaneto

"scartabelant i autôrs di astronomie, / e de lis stelis osservant il zîr, / un pronostic o scrîf in poesie"

da "Pronostic del 1821" di Pieri Çorut

osservâ v.tr.
(o-sser-vâ)

Fermâsi cu la atenzion su alc e deventâ cussient de sô esistence e des sôs carateristichis

sinonimi

notâ, visâsi, inacuarzisi

esempi

"al veve osservât che gno barbe al doprave i imprescj dal contadin tant che i pinei: al lassave i cjamps e i ordenaris cu lis cumieris dretis dretis, cui cjantons ben staronzâts e lis striciduris cence sporcheçs"

da "Gno barbe Sisto" di Luciano Gaudenzio, Michele Zanetti

"i costrutôrs di lampadinis eletrichis cun filament a cjarbon a vevin osservât che il consum dal filament al produseve chel che al vignive clamât “efiet blu”"

da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini

osservâ v.tr.
(o-sser-vâ)

Fâ notâ cuntun coment, soredut contrari

sinonimi

comentâ, notâ, marcâ, rimarcâ, visâ

esempi

"al ecuivaleve a dî, cemût che al osservà cualchidun cun ironie, che no si varessin vût di fâ dizionaris bilengâi ni pe lenghe furlane ni par altris lenghis"

da "Memoriis di politiche linguistiche" di Adrian Cescje

"un di chescj al osservà: "A mi mi pâr che il Signôr al è paron di mandâ no tal infier, ma ancje a gnargnic, che al è mil miis plui inlà, cui che dal folc al vûl [...]""

da "La invidiose" di Luigi Gortani

osservâ v.tr.
(o-sser-vâ)

Lâ daûr di une norme, di une indicazion, di un compuartament e v.i.

sinonimi

ubidî, rispietâ

esempi

"chei che a lavorin a àn un orari, e lu osservin"

da "Doi mil francs di puntualitât" di Riedo Pup

"une volte i domandarin cui che a son chei che a osservin plui ben la leç"

da "I furlans e la leç" di Riedo Pup

"il Cristianisim nol è une serie di dogmis [...], nol è une serie di comandaments di osservâ la domenie e cualchi volte dîs di vore, ma al è semplicementri un fidâsi, un lassâsi puartâ de persone di Crist"

da "Crodi e mût di crodi" di Francesc Placerean

monolingue