Hai cercato la parola
monolingue
Torna indietro

monolingue

pês s.m.
[FO] (fis.) Fuarce esercitade di un cuarp par efiet de gravitât de Tiere sore di un altri che lu ten sù
esempi
"la densitât dal aiar, ven a stâi il so pês par metri cubic, che al dipent dal numar di particulis che a son par ogni metri cubic, e je plui alte dongje de superficie e plui basse ad alt"
da "Notis di meteorologjie pal Friûl - Vignesie Julie" di Stefano Micheletti, Marcellino Salvador
"il so braç al tignive memorie dal pês di ogni palade di stancol… Ogni bochin tantis paladis… E nol sbaliave di une once. Come se al fos stât il cûr a sintî il pês"
da "La tiere di Lansing" di Maria Forte
pês s.m.
Cuarp sogjet a fuarce di gravitât
esempi
"Toni, il sac al è tornât parsore aghe. Cumò i ai metût un pês, e tu torne a butâlu"
da "Toni Mat" di Maria Forte
pês s.m.
Toc metalic doprât par pesâ
esempi
"a 'ndi è che a robin ogni dì, di agns e agns incà, o su lis misuris o sui pês o sul marcjât o sul lavôr o su lis tassis o su altris afârs"
da "Lis predicjis dal muini" di Josef Marchet
"e restà cu la belance in man e il pês che al dispicjave par tiere"
da "La fortune di Folope" di Maria Forte
pês s.m.
Malstâ, spec. sensazion di pression tal pet o tal stomi, dificoltât di digjerî o di respirâ (fig.)
sinonimi
grop
esempi
"Tite si svee… al sint come un grant pês sul pet…"
da "Vencul" di Checo Tam
pês s.m.
Compit di responsabilitât, responsabilitât che e domande impegn e fadie (fig.)
sinonimi
cjame
esempi
"di cualchi an e puartave di bessole dut il pês de numerose famee"
da "La brût" di Catarine Percude
pês s.m.
Cundizion di fastidi, di dolôr fisic o morâl (fig.)
sinonimi
grop, cjame
esempi
" chel pês [il sens di colpe] lu à tignût lontan di ducj e di bessôl; masse di bessôl e cul cûr come inzessât"
da "La tiere di Lansing" di Maria Forte
"la solitudin… Ce pês su la anime! La solitudin e cove dentri di me"
da "Trê feminis" di Gianni Gregoricchio
pês s.m.
Impuartance, capacitât di produsi un efiet (fig.)
sinonimi
inflùs, impat, impuartance, influence
esempi
"tal imagjinari coletîf i fenomens no son sintûts daûr dal lôr pês obietîf su la societât, ma daûr di trop e di cemût che si fevele di lôr"
da "Il Friûl tra conflit invisibil e alienazion" di Sandri Carrozzo
"la publicitât e veve un pês [economic] fuart, ancje se no suficient par tignî sù l'imprest di informazion"
da "Un Friûl difarent: i 90 mhz di Onde Furlane" di Max Mauro
pês s.m.
[CO] (sport) Imprest di metal par fâ esercizi fisic, par fâ lavorâ i muscui cuintri de fuarce di gravitât
pês s.m.
[TS] (sport) Sfere di metal doprade in atletiche intes garis di lanç
pês s.m.
Robe o persone che e da fastidi, che no covente, che no zove (fig.)
esempi
"i partîts talians e i lôr soldaduts a son dome un pês"
da "I partîts talians e i lôr soldaduts a son dome un pês" di Dree Valcic
proverbi
"a chel pês che si compre, bisugne vendi"
"cui che al tire il cuartês che al puarti il pês"
"i purcits si ju stime a pês"
"pês e misure a devin jessi, il contrat al è libar"
Torna in Cima