Hai cercato la parola
monolingue
Torna indietro

monolingue

partide s.f.
(par-ti-de)
Incuintri competitîf, in gjenar tra dôs scuadris o tra dôs o plui personis, che a cirin di vinci intun sport o intun zûc
sinonimi
gare, incuintri
esempi
"un gol segnât di mieze robaltade te tierce di campionât fûr cjase al fasè restâ zito il public, che a la fin de partide al scugnì rindisi a batigji lis mans"
da "Gjeometriis" di Stiefin Morat
"in dutis lis partidis di scacs al scomence a movi simpri il blanc"
da "Zuìn di scacs" di Nilde Teresa Negro
"al vignive scuasi ogni sere ca di nô par fâ cuatri cjacaris e, nancje dîlu, par une partide di cjartis"
da "Il tinel" di Pieri Somede dai Marcs
partide s.f.
(par-ti-de)
Cuantitât di marcjanzie comprade o vendude intune volte ad in grues
sinonimi
bloc, condote, lot
esempi
"[un ongjarês] al jere vignût in Italie a puartâ une partide di cjavai che al faseve capî che a fossin siei, ma no jere vere"
da "Come tai romançs" di Alan Brusini
partide s.f.
(par-ti-de)
[TS] (reson.) Regjistrazion scrite intun libri di contabilitât
esempi
"insom dal an i marcjadants a sierin dutis lis partidis"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
partide s.f.
(par-ti-de)
Situazion di confront li che plui parts a cirin di rivâ a vêle vinte o ancje di rivâ a une soluzion negoziade (fig.)
sinonimi
sfide
esempi
"a fasevin i profetis, plui che i politics, e chê e jere la ore di scomençâ a fâ i politics. Ju lassai fûr de partide. Cun displasê, ma ju lassai fûr"
da "Memoriis di politiche linguistiche" di Adrian Cescje
"cuistions tant che lis cassis di espansion sul Tiliment – une partide che, a disin chei de associazion ambientaliste, e reste inmò dute vierte – o la linie a alte velocitât dal Coridôr 5"
da "Legambiente su lis emergjencis ambient" di Redazion Radio Onde Furlane
proverbi
"partide rimetude, partide pierdude"
"partide slungjade, partide scuintiade"
Torna in Cima