SuperDizionari

pedoglôs adi., s.m.
(pe-do-glôs)

Che, cui che al à i pedoi

sinonims

impedoglât

esemplis

"un gjatat neri e pedoglôs"

gjavât fûr di "Il puint dal Diaul" di Josef Cjargnel

pedoglôs adi., s.m.
(pe-do-glôs)

Che, cui che al è une vore puar (fig.)

sinonims

disgraciât, misar, puar, miserabil

esemplis

"jo no sai se o cognossês Saco, chel taboc pedoglôs cence diu cence cjâf cence bêçs"

gjavât fûr di "Donald dal Tiliment" di Stiefin Morat

"i doi damarins, ti àn començât a stiçâju disint che a jerin bruts e malvistûts, che no savevin fevelâ talian, che a jerin muarts di fam e pedoglôs"

gjavât fûr di "Come tai romançs" di Alan Brusini

"tant jo che mê fie e sin stufis di jessí simpri sacrificadis in chest paîs pedoglôs"

gjavât fûr di "El lunis di Titute Lalele" di Arturo Feruglio

pedoglôs adi., s.m.
(pe-do-glôs)

Che, cui che al è masse egoist, masse tacât ai bêçs, che al vûl sparagnâ masse

sinonims

avâr, barbin, carognôs, cragne, cragnin, crodie, esôs, sparagnin, speculant, spelorc, spelorcje, stitic, strent, stricecrodie, stricin, striçot, tacagn, tegnôs, tirât

esemplis

"sparagnìn cualchi monument di vuere ma no stin a fâ i pedoglôs tes robis che a passin il spirt"

gjavât fûr di "Presentazion dal Messâl furlan" di Antoni Beline

pedoglôs adi., s.m.
(pe-do-glôs)

Che, cui che al cjale masse ancje i detais plui piçui (fig.)

sinonims

pedoli, macepedoli, sofistic, dificil

esemplis

"tante pore e àn lôr [lis glesiis orientâls] de confusion, tante ind vin nô de clarece. A pat che no si trati dai dirits de glesie, là che o sin precîs, par no dî pedoglôs"

gjavât fûr di "La fabriche dai predis" di Antoni Beline

monolengâl