SuperDizionari

Torna indietro

monolingue

pedoglôs adi., s.m.
(pe-do-glôs)

Che, cui che al à i pedoi

sinonimi

impedoglât

esempi

"un gjatat neri e pedoglôs"

da "Il puint dal Diaul" di Josef Cjargnel

pedoglôs adi., s.m.
(pe-do-glôs)

Che, cui che al è une vore puar (fig.)

sinonimi

disgraciât, misar, puar, miserabil

esempi

"jo no sai se o cognossês Saco, chel taboc pedoglôs cence diu cence cjâf cence bêçs"

da "Donald dal Tiliment" di Stiefin Morat

"i doi damarins, ti àn començât a stiçâju disint che a jerin bruts e malvistûts, che no savevin fevelâ talian, che a jerin muarts di fam e pedoglôs"

da "Come tai romançs" di Alan Brusini

"tant jo che mê fie e sin stufis di jessí simpri sacrificadis in chest paîs pedoglôs"

da "El lunis di Titute Lalele" di Arturo Feruglio

pedoglôs adi., s.m.
(pe-do-glôs)

Che, cui che al è masse egoist, masse tacât ai bêçs, che al vûl sparagnâ masse

sinonimi

avâr, barbin, carognôs, cragne, cragnin, crodie, esôs, sparagnin, speculant, spelorc, spelorcje, stitic, strent, stricecrodie, stricin, striçot, tacagn, tegnôs, tirât

esempi

"sparagnìn cualchi monument di vuere ma no stin a fâ i pedoglôs tes robis che a passin il spirt"

da "Presentazion dal Messâl furlan" di Antoni Beline

pedoglôs adi., s.m.
(pe-do-glôs)

Che, cui che al cjale masse ancje i detais plui piçui (fig.)

sinonimi

pedoli, macepedoli, sofistic, dificil

esempi

"tante pore e àn lôr [lis glesiis orientâls] de confusion, tante ind vin nô de clarece. A pat che no si trati dai dirits de glesie, là che o sin precîs, par no dî pedoglôs"

da "La fabriche dai predis" di Antoni Beline

proverbi

"la mari dalose e fâs la fie pedoglose"

Torna in Cima