SuperDizionari

monolengâl

pinitince s.f.
(pi-ni-tin-ce)

Azion o opare che e derive dal displasê di une colpe, soredut cuintri de religjon, e che e cîr di compensâle o espiâle

esemplis

" "Cussì cjâr Jacum" al finì il plevan, "cuant che o larìn a Madone di Mont in pelegrinaç, tu larâs sù cun doi fasûi tes çuculis". Il plevan i spiegà che la pinitince e jere pal so ben spirituâl e di acetâle cun pazience e dut a glorie di Diu"

gjavât fûr di "La pinitince" di Angelo Covazzi

Viôt ancje: penitence

pinitince s.f.
(pi-ni-tin-ce)

Rinunzie a alc, fate ancje no in relazion a di un pecjât specific

esemplis

"la pinitince che e secjave di plui e jere chê volontarie: dizun e astinence. Volontarie par mût di dî si capìs. Parcè che la none e steve ben atente che nissun tocjàs nancje une cicine in zornade di vilie"

gjavât fûr di "I furlans e la pinitince" di Riedo Pup

pinitince s.f.
(pi-ni-tin-ce)

Intai zûcs dai fruts, prove o punizion che si impon a cui che al piert

sinonims

pegn

pinitince s.f.
(pi-ni-tin-ce)

Robe o persone un grum fastidiose (fig.)

sinonims

cjastì di Diu, cruzi, cjastì, flagjel, tribul, torment, persecuzion, lambic, martueri, maledizion, danazion, condane, disgracie, cruzie, tumie, soference, agonie, patiment, pene, infier, crôs

esemplis

"la vite si scunive. La gnot, invezit di jessi un salustri, e deventave une pinitince"

gjavât fûr di "La tiere di Lansing" di Maria Forte

detulis

"cui che al à fat il mâl che al fasi la pinitince"

"pecjât vieri e pinitince gnove"

"prin il pecjât e po la pinitince"

torne sù