Hai cercato la parola
monolingue
Torna indietro

monolingue

pinitince s.f.
(pi-ni-tin-ce)
Azion o opare che e derive dal displasê di une colpe, soredut cuintri de religjon, e che e cîr di compensâle o espiâle
esempi
" "Cussì cjâr Jacum" al finì il plevan, "cuant che o larìn a Madone di Mont in pelegrinaç, tu larâs sù cun doi fasûi tes çuculis". Il plevan i spiegà che la pinitince e jere pal so ben spirituâl e di acetâle cun pazience e dut a glorie di Diu"
da "La pinitince" di Angelo Covazzi
Vedi anche: penitence
pinitince s.f.
(pi-ni-tin-ce)
Rinunzie a alc, fate ancje no in relazion a di un pecjât specific
esempi
"la pinitince che e secjave di plui e jere chê volontarie: dizun e astinence. Volontarie par mût di dî si capìs. Parcè che la none e steve ben atente che nissun tocjàs nancje une cicine in zornade di vilie"
da "I furlans e la pinitince" di Riedo Pup
pinitince s.f.
(pi-ni-tin-ce)
Intai zûcs dai fruts, prove o punizion che si impon a cui che al piert
sinonimi
pegn
pinitince s.f.
(pi-ni-tin-ce)
Robe o persone un grum fastidiose (fig.)
sinonimi
cjastì di Diu, cruzi, cjastì, flagjel, tribul, torment, persecuzion, lambic, martueri, maledizion, danazion, condane, disgracie, cruzie, tumie, soference, agonie, patiment, pene, infier, crôs
esempi
"la vite si scunive. La gnot, invezit di jessi un salustri, e deventave une pinitince"
da "La tiere di Lansing" di Maria Forte
proverbi
"cui che al à fat il mâl che al fasi la pinitince"
"pecjât vieri e pinitince gnove"
"prin il pecjât e po la pinitince"
Torna in Cima