Segn grafic fat di un piçul cercli plen

Cualsisei robe avonde piçule che si puedi viodi

[TS] (gjeom.) Element primitîf cence estension definît dai postulâts

[TS] (telecom.) Segn convenzionâl intal alfabet Morse fat di un impuls che al dure pôc

Lûc, puest determinât

Lûc esat di un test, di un discors

Cuistion specifiche, argoment particolâr

Moment determinât

Grât determinât

Tonalitât minime di colôr

Situazion li che al è rivât un procès dinamic, une ativitât, un lavôr, une esistence, un fenomen e v.i.

Trate di fîl che e passe par dôs busutis fatis de gusiele tal cusì, tal mendâ, tal comedâ e v.i.

Ogni unitât convenzionâl doprade par esprimi une valutazion, une cuantificazion e v.i.

Ognidune des unitâts dopradis par esprimi un vantaç in sports, zûcs o sim.

Unitât in licencis, permès, ativitâts e v.i. che a previodin un massim e un minim

Bolin o sim. dât cun prodots di consum, che, dongje di un ciert numar di altris intune cierte dade di timp, al da dirit a vê premis, sconts, promozions e v.i.

Segn grafic che, ancje in maniere aprossimative, al rapresente un sun di une lenghe

[TS] (mar.) Posizion là che e je une nâf intal mâr in rapuart cu la longjitudin e la latitudin