SuperDizionari

regjistrâ v.tr.
(re-gjis-trâ)

(burocr.) Notâ o fâ notâ intun regjistri

sinonimi

notâ

esempi

"il brevet doprât par creâ il vueit dentri dal imprest al è dal nestri Arturo Malignani, che però lu regjistrà dome tal 1894"

da "Contis sot spirt" di Raffaele Serafini

"cuant che mi nas un vidiel, in 10 dîs lu ai di comunicâ ae ASL, regjistrâlu, fâ il passepuart e meti i rincjins"

da "Ravasclêt. Aziende agricule di Edda De Crignis" di Marta Vezzi

regjistrâ v.tr.
(re-gjis-trâ)

Cjapâ sù e tignî cont un dât, une informazion e v.i.

esempi

"si stan selezionant i “soministradôrs” [de indagjin sociolinguistiche], chei che a àn di lâ di cjase in cjase e regjistrâ lis rispuestis"

da "Fotografâ la lenghe: dopo 15 agns la Universitât dal Friûl e prepare la gnove ricercje sociolinguistiche che nus disarà cemût che al sta il furlan" di Oscar Puntel

regjistrâ v.tr.
(re-gjis-trâ)

Inacuarzisi e tignî cont di alc

esempi

"o regjistrìn cheste scopule che nus è capitade, cence cirî di scuindi cetant fuarte che e je"

da "Furlans autonomiscj platonics" di Josef Marchet

"i gjornâi, par altri, no àn nissune colpe di ce che al sucêt. Il lôr mistîr al è nome chel di regjistrâ e di contâ i fats"

da "Il partît dai zovins coscrits" di Riedo Pup

regjistrâ v.tr.
(re-gjis-trâ)

[AF] (tecn.) Fissâ suns o imagjins o altri tun disc, tun nastri, tun supuart di memorie e v.i.

esempi

"la cineprese che e à regjistrât la serade si zire spes viers Rosane, la femine di Pio"

da "Faliscjis" di Cristina Noacco

"o fasevi basis musicâls pai cjantants che mi domandavin ancje di podê regjistrâ lis lôr vôs"

da "30 agns di Artesuono a Cjavalì" di Alessio Screm

regjistrâ v.tr.
(re-gjis-trâ)

[TS] (mec.) Fâ che un mecanisim o un aparât al funzioni ben, variant te maniere miôr lis sôs regolazions

sinonimi

regolâ, tarâ

esempi

"regjistrâ il motôr"

regjistrâ v.tr.
(re-gjis-trâ)

Vê o mostrâ un risultât, un compuartament, une tindince e v.i.

esempi

"l'andament des opzions tai cinc agns di aplicazion de leç a nivel regjonâl al regjistre [...] une percentuâl plui o mancul costante"

da "La tutele de lenghe furlane a scuele" di Patrizia Pavatti

monolingue