SuperDizionari

secuence s.f.
(se-cuen-ce)

Complès formât di doi o plui elements, che si disponin un daûr di chel altri tal spazi, tal timp, tal ordin logjic e v.i.

sinonims

cjadene, file, rie, rieste, schirie, serie, sucession

esemplis

"tai tescj dal cinccent e dal sîscent al è frecuent di doprâ secuencis di dôs vocâls par segnâ lis lungjis"

gjavât fûr di "La grafie furlane normalizade" di Xavier Lamuela

"o pensi che l'assessôr de Provincie, daspò i mês che a son passâts de riunion di Fevrâr, no si visi plui ben de secuence des azions di davuelzi, cemût che lis vin concuardadis insiemi"

gjavât fûr di "Memoriis di politiche linguistiche" di Adrian Cescje

secuence s.f.
(se-cuen-ce)

(cinem.) Complès di senis che a son une daûr di chê altre

esemplis

"il prin film danês de storie, Kørsel med grønlandske Hunde, che o podìn tradusi cun “Cjans groenlandês che a tirin une slite”, al è stât zirât in Groenlande e al consist di une curte secuence metude adun tal 1897 dal fotograf Peter Elfelt"

gjavât fûr di "Il cine groenlandês tra art e impegn politic" di Fabian Ros

secuence s.f.
(se-cuen-ce)

(mus.) Cjant liturgjic medievâl rielaborât suntune struture melodiche dal Aleluie gregorian

esemplis

" “Ce varessino di cjantâ? ” “La secuence Victimæ paschali laudes, dulà che tu, Bete, tu fasaressis la part de Madalene""

gjavât fûr di "Patriarcjis fûr dal ordenari" di Diego Navarria

monolengâl