Hai cercato la parola
monolingue
Torna indietro

monolingue

sens s.m.
Facoltât dal organisim dal sintî, di percepî, di ricevi impressions di bande di stimui che a vegnin dal difûr
sinonimi
sintiment
esempi
"il mesteir mi judave a tirâ indenant, ma il gno cjâf al stave sot aghe e nissun sens al rivave a sintî ce che al sucedeve ator"
da "Kebar krossè" di Stiefin Morat
"ogni mio sens a consolâ mi sint, / e voi in dolç delicui in chel instant"
da "I, 64" di Ermes di Colorêt
"contempli la armonie, la misure, / che regne inte nature... / oh, spetacul imens! / che al sbalordìs e che l'inalce i sens"
da "La gnot dei muarts" di Pieri Çorut
sens s.m.
Tal pl., fisicitât e massime tai siei aspiets edonistics o sessuâi
sinonimi
cjar, cuarp
esempi
"siums e scuviertis che a sclopin, cul zirâ plui imburît dal sanc, a baticûr, tun tarlupâ di fantasiis vivis e di sens turbits e gnûfs"
da "La aghe da pît la cleve" di Dino Virgili
"Colâts tes lôr mans. / Ce che nus fasin, / Belen, no stâ jodi. / No la sperance, Belen, / ma une lungje gnot di sens"
da "In tanache" di Otmar Mainardis
sens s.m.
Impression che e prodûs un fastidi o une reazion di riviel
sinonimi
fastidi, nausie, ingomut, riviel, stomi, volt di stomi, impression
esempi
"jê e je propit de bande dal cimitieri, e i fâs câs. [...] «Par plasê ti displasial di passâ ca di ca? A mi mi fâs sens …»"
da "Misure" di Meni Ucel
sens s.m.
Mût di stâ, percezion che si à dal propri fisic o de proprie psiche e des sôs cundizions, ancje in maniere no tant definide
sinonimi
sintiment
esempi
"un sens di stracherie disgotade un fregul a la volte"
da "La aghe da pît la cleve" di Dino Virgili
"in cûr un sens di vite plene, di ligrie profonde"
da "O sielç lis stelis" di Pieri Somede dai Marcs
sens s.m.
Percezion ben disvilupade e specifiche, che e permet di capî, fâ, compuartâsi intune cierte maniere e v.i. (fig.)
esempi
"la unitât taliane, imbastide dopo de metât dal '800, e veve di jessi implantade [...] cuntun fregul di inteligjence e di sens pratic"
da "Chê biade unitât" di Josef Marchet
"il Martini al dimostre di savê dominâ il spazi e di vê un grant sens de struture architetoniche"
da "Storie de art in Friûl" di Bepi Agostinis
sens s.m.
Ce che al ven comunicât, ce che al vûl dî un messaç, une peraule
sinonimi
significance, significât
esempi
"il sens origjinâl de peraule “mafie” par furlan al jere chel di jessi contents e sodisfats di se stes"
da "Piçulis storiis di mafie furlane" di Sandri Carrozzo
"radio "furlaniste", tal sens di difese de identitât e de lenghe, ma no localiste, tal sens di sierâsi intun cjanton par no viodi lis diferencis e lis novitâts"
da "Un Friûl difarent: i 90 mhz di Onde Furlane" di Max Mauro
sens s.m.
Direzion di moviment o di une forme
sinonimi
direzion, viers
esempi
"par tiere si viodevin dôs o trê filis di tancj mieçs cerclis lassâts dai stecs des scovis di sanzit: une file intun sens, une file ta chel altri"
da "Vilie di fieste" di Lucio Perès
Torna in Cima