Tu âs cirût la peraule
monolengâl
torne indaûr

monolengâl

sostignî v.tr.
(sos-ti-gnî)
Tignî sù un pês
sinonims
tignî sù, tignî
esemplis
"il grues pidignûl, che al sostignive la trâf puartante dal toblât, al poiave suntune largje piere scuadrade"
gjavât fûr di "Une lance langobarde cjatade a Baracêt" di Lucio Perès
Viôt ancje: sustignî, sostegni
sostignî v.tr.
(sos-ti-gnî)
Frontâ, impegnâsi cun sfuarç a pet di alc che al pues jessi considerât un pês, une cjame, une spese e v.i. (fig.)
sinonims
frontâ, sopuartâ
esemplis
""Oh Signôr, judimi tu, dami la fuarce di sostignî cheste prove... ""
gjavât fûr di "Mame..." di Pieri Somede dai Marcs
"la Regjon e sosten la retribuzion dei docents pes prestazions di insegnament fûr dal orari di servizi"
gjavât fûr di "Il furlan al è rivât tes nestris scuelis. Si met in vore il Regolament pal insegnament de marilenghe in regjon" di Patrizia Pavatti
"i paîs de Sclavanie no puedin sostignî un fuart aument di popolazion cu lis lôr magris risorsis"
gjavât fûr di "Tra il Lusinç e la Tor" di Josef Marchet
"la Republiche di Vignesie e veve bisugne di jentrâ cu lis spesis des sôs vueris. Massime tal 1600 e scugnì sostignî un grant sfuarç militâr pe vuere di Candie"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
sostignî v.tr.
(sos-ti-gnî)
Fâ une cierte funzion
sinonims
tignî sù
esemplis
"clame ca, clame là, chel zovin che al veve di sostignî la part plui ridicule nol rispuindeve"
gjavât fûr di "In teatro" di Pieri Somede dai Marcs
sostignî v.tr.
(sos-ti-gnî)
Judâ in sens materiâl, cun bêçs, mieçs, azions, impegn e v.i.
sinonims
tignî sù, poiâ, judâ, prudelâ
esemplis
"la leç, tra lis altris, e previôt che la Regjon e sostegni la ricercje, la produzion, la comercializazion e l'ûs di struments informatics e tecnologjics par judâ a doprâ in maniere corete il furlan"
gjavât fûr di "Sot atac l'avignî de lenghe furlane" di Carli Pup
"la Republiche di Vignesie e sostignì e e facilità la industrie [di Linùs], viodûts i grancj vantaçs economics"
gjavât fûr di "Cjargne, tiere di tiessidôrs" di Erika Adami
sostignî v.tr.
(sos-ti-gnî)
Judâ intes dificoltâts, confuartâ cul afiet, i conseis, i fats (fig.)
sinonims
judâ, tignî sù, fâ fuarce, poiâ
esemplis
"Sonia mi à sostignude par ducj chescj agns, dopo dal faliment dal gno matrimoni"
gjavât fûr di "Trê feminis" di Gianni Gregoricchio
sostignî v.tr.
(sos-ti-gnî)
Dî o scrivi in maniere argomentade une idee, une opinion, une posizion e v.i. (fig.)
sinonims
afermâ, contindi, dî
esemplis
"il filosof Tagliagambe al à sostignût che intal ciberspazi la sincronie e trionfe su la diacronie, o sei il spazi le vinç sul timp"
gjavât fûr di "Il brevet" di Mario Turello
"come che al jere vistût mi someave propit un strion e invezit al sostignive teoriis sientifichis une vore modernis"
gjavât fûr di "X-Reihen" di Checo Tam
"jo al contrari mi soi intestardît, / e sosten che i afars laran pulît"
gjavât fûr di "Pronostic del 1821" di Pieri Çorut
torne sù