Hai cercato la parola
monolingue
Torna indietro

monolingue

sostignî v.tr.
(sos-ti-gnî)
Tignî sù un pês
sinonimi
tignî sù, tignî
esempi
"il grues pidignûl, che al sostignive la trâf puartante dal toblât, al poiave suntune largje piere scuadrade"
da "Une lance langobarde cjatade a Baracêt" di Lucio Perès
Vedi anche: sustignî, sostegni
sostignî v.tr.
(sos-ti-gnî)
Frontâ, impegnâsi cun sfuarç a pet di alc che al pues jessi considerât un pês, une cjame, une spese e v.i. (fig.)
sinonimi
frontâ, sopuartâ
esempi
""Oh Signôr, judimi tu, dami la fuarce di sostignî cheste prove... ""
da "Mame..." di Pieri Somede dai Marcs
"la Regjon e sosten la retribuzion dei docents pes prestazions di insegnament fûr dal orari di servizi"
da "Il furlan al è rivât tes nestris scuelis. Si met in vore il Regolament pal insegnament de marilenghe in regjon" di Patrizia Pavatti
"i paîs de Sclavanie no puedin sostignî un fuart aument di popolazion cu lis lôr magris risorsis"
da "Tra il Lusinç e la Tor" di Josef Marchet
"la Republiche di Vignesie e veve bisugne di jentrâ cu lis spesis des sôs vueris. Massime tal 1600 e scugnì sostignî un grant sfuarç militâr pe vuere di Candie"
da "Liniis di storie sociâl e economiche dal Friûl 1500 – 1800" di Adrian Cescje
sostignî v.tr.
(sos-ti-gnî)
Fâ une cierte funzion
sinonimi
tignî sù
esempi
"clame ca, clame là, chel zovin che al veve di sostignî la part plui ridicule nol rispuindeve"
da "In teatro" di Pieri Somede dai Marcs
sostignî v.tr.
(sos-ti-gnî)
Judâ in sens materiâl, cun bêçs, mieçs, azions, impegn e v.i.
sinonimi
tignî sù, poiâ, judâ, prudelâ
esempi
"la leç, tra lis altris, e previôt che la Regjon e sostegni la ricercje, la produzion, la comercializazion e l'ûs di struments informatics e tecnologjics par judâ a doprâ in maniere corete il furlan"
da "Sot atac l'avignî de lenghe furlane" di Carli Pup
"la Republiche di Vignesie e sostignì e e facilità la industrie [di Linùs], viodûts i grancj vantaçs economics"
da "Cjargne, tiere di tiessidôrs" di Erika Adami
sostignî v.tr.
(sos-ti-gnî)
Judâ intes dificoltâts, confuartâ cul afiet, i conseis, i fats (fig.)
sinonimi
judâ, tignî sù, fâ fuarce, poiâ
esempi
"Sonia mi à sostignude par ducj chescj agns, dopo dal faliment dal gno matrimoni"
da "Trê feminis" di Gianni Gregoricchio
sostignî v.tr.
(sos-ti-gnî)
Dî o scrivi in maniere argomentade une idee, une opinion, une posizion e v.i. (fig.)
sinonimi
afermâ, contindi, dî
esempi
"il filosof Tagliagambe al à sostignût che intal ciberspazi la sincronie e trionfe su la diacronie, o sei il spazi le vinç sul timp"
da "Il brevet" di Mario Turello
"come che al jere vistût mi someave propit un strion e invezit al sostignive teoriis sientifichis une vore modernis"
da "X-Reihen" di Checo Tam
"jo al contrari mi soi intestardît, / e sosten che i afars laran pulît"
da "Pronostic del 1821" di Pieri Çorut
Torna in Cima