Hai cercato la parola
monolingue
Torna indietro

monolingue

struture s.f.
(stru-tu-re)
Complès dai elements, concrets o ancje astrats o teorics, considerât pe sô organizazion e distribuzion
sinonimi
configurazion, conformazion, costituzion, forme, implant, organizazion, struturazion, telâr, tressadure
esempi
"no dome parcè che o soi nassût li dentri e o ai vivude la mê infanzie, ma pûr pe sô struture, e jere une cjase che mi plaseve"
da "La cjase dai contents" di Roman Michelot
"dutis lis speciis di vertebrâts a spartissin la stesse struture dal cerviel"
da "Autonomie e democrazie, i numars de Socializazion umane" di Franc Fari, Eric Pascul
"la struture gnoseologjiche de enciclopedie e jere parele de struture cosmologjiche di un univiers concludût, jerarchic, ordenât dal sempliç al complès, de unitât ae molteplicitât"
da "Il brevet" di Mario Turello
struture s.f.
(stru-tu-re)
Complès di personis o sogjets e mût di funzionâ des relazions tra chei sogjets intun grup, intune organizazion, intune comunitât e v.i.
sinonimi
asset, implant, organizazion, sisteme, struturazion
esempi
"la ALE e je un «partît politic a nivel european» cuntune sô struture specifiche, che e je comparabile cun chê di chei altri «europartîts»"
da "Corsiche, Scozie, paîs Basc, Catalogne, Friûl... Europe" di Marc Stolf
"intune cooperative che e veve mudât di plante fûr la sô struture al è clâr che a podevin saltâ fûr dai problemis"
da "Un Friûl difarent: i 90 mhz di Onde Furlane" di Max Mauro
"vuê, jessi furlans al vûl dî adiriture jessi europeus. Al vûl dî sintîsi pronts e madûrs a jentrâ in struturis plui grandis e plui altis dai sierais nazionâi"
da "Mizzau al bat Pitt un a zero" di Riedo Pup
struture s.f.
(stru-tu-re)
Complès dai elements di une costruzion, machine e v.i. che a rezin e che a coleghin
sinonimi
armadure, implant, telâr, tressadure
esempi
"la costruzion e jere sustignude di une robuste struture di len che e vignive riviestude di madons"
da "Fogolârs e cjavedâi" di Luzian Verone
struture s.f.
(stru-tu-re)
Edifici, risultât di une opare di costruzion
sinonimi
edifici, fabricât, fabriche, costruzion
esempi
"tecnichis costrutivis simpri plui complessis che, in dì di vuê, nus permetin di progjetâ e tirâ sù struturis no imagjinabilis dome cincuante agns indaûr"
da "Maltis armadis pes struturis dal tierç mileni" di Alessandro Bachiorrini
"i teatris a son struturis publichis destinadis ae formazion coletive"
da "Viaç aes origjins dal Logos" di Adrian Cescje
struture s.f.
(stru-tu-re)
[TS] (filos.) Tal pinsîr marxian, complès dai rapuarts di produzion e dai mieçs che a caraterizin un sisteme di une situazion storiche determinade, che i fasin riferiment lis sorestruturis juridichis e culturâls
struture s.f.
(stru-tu-re)
[TS] (ling.) Organizazion sincroniche dai elements di un sisteme linguistic tâl che e vali la lôr distinzion in oposizion simultanie e la lôr complementaritât
struture s.f.
(stru-tu-re)
[TS] (ling.) Disposizion dai elements funzionâi intun sintagme, intune frase o intun test
struture s.f.
(stru-tu-re)
[TS] (chim.) Disposizion dai atoms dentri di une molecule
esempi
"il transistor al è un component cun dôs comissuris e trê terminâi costruît cun sostancis inorganichis a un grât elevât di purece e a struture cristaline"
da "Lis celis organichis nanostruturadis" di Lorenzo Marcolini
struture s.f.
(stru-tu-re)
[TS] (petr.) Complès des carateristichis di forme, disposizion e dimension dai cristai che a fasin un cret
esempi
"dispès tes dolomiis scuris derivadis di pantan depositât tal fonts dal bacin a son piçui grumuts ovâi, subcircolârs o slungjâts, colôr neri e di struture amorfe"
da "Gjeologjie e paleontologjie ator di Preon" di Francesco Gobbo
struture s.f.
(stru-tu-re)
[TS] (gjeol.) Disposizion des particulis che a fasin un teren
Torna in Cima