Hai cercato la parola
monolingue
Torna indietro

monolingue

sutîl adi.
(su-tîl)
Pôc grues
sinonimi
fin
esempi
"une fetute sutile di pan blanc"
da "Storie di Min" di Ivano Urli
"e coventave la cjane gargane! Chê e jere lungje, sutile e lizere"
da "A pescje tal suei" di Lucio Perès
"i fîi lizêrs e sutîi de la jarba dei prâts"
da "Il me paîs" di Federigo Comelli
"piel sutile come la sede"
da "Come tai romançs" di Alan Brusini
Vedi anche: sotîl
sutîl adi.
(su-tîl)
Di cdn. o di part dal cuarp, magre
sinonimi
fusât, magri, scarmulin, scjarnît, sec, sut, zentîl, fin
esempi
"la maestre Teresine, une signorine alte e sutile, delicade, che di Istât e vignive a scuele cul ombrenin par parâsi dal soreli"
da "A scuele" di Pieri Menis
"la agna, a jodala, duta sutila, vistida simpri di lana grisa, a podeva parê di latisin e invessit a era di rovri"
da "La agna Mariana" di Novella Cantarutti
sutîl adi.
(su-tîl)
Di sun, no tant fuart e cuntune tonalitât alte (fig.)
sinonimi
fin
esempi
"l'ucielut le compagnave cul so strît sutîl"
da "Come tai romançs" di Alan Brusini
"Tonine de More cu la vôs sutile e tacà une cjante"
da "Sul cjar di Pauli Gurin" di Maria Forte
sutîl adi.
(su-tîl)
Di odôr, no tant penç ma penetrant (fig.)
esempi
"un profum sutîl di tabac si spandeve par dute la cjase e al jessive parfin tal curtîl"
da "La gjate" di Pieri Menis
sutîl adi.
(su-tîl)
Dal aiar, che al da sensazion di lizêr tal respirâlu, che al è fresc, sut e net, o ancje srarît de altitudin (fig.)
sinonimi
fin
esempi
"sedi stade la aghe, sedi la ploie o l'aiar plui sutîl o ce saio jo, no si inmalial lui e di bot i pete sù une fierice che dut lu consume"
da "La liende di Dimponç" di Josef Cjargnel
sutîl adi.
(su-tîl)
Di sensazion fisiche o psicologjiche, che e rive fin indentri, ancje se in mût no scjassôs (fig.)
sinonimi
sordin
esempi
"al jere un frêt sutîl in chel dì di Nadâl"
da "Il «pigjama»" di Pieri Menis
"un malstâ sutîl i vignive sù dal fonts, indulà che alc al jere stât sierât"
da "La tiere di Lansing" di Maria Forte
"e jere rivade a insedâ ancje dentri di me la incuietudin e la pôre sutile pai mil pericui dal mont"
da "Il dolfin" di Carlo Sgorlon
sutîl adi.
(su-tîl)
Inteligjent, inzegnôs e prudent, che al rive ai siei fins cence imparêsi masse (fig.)
sinonimi
fin
esempi
"furducjâ sot vie, cuntune politiche paziente e sutile"
da "Cuintristorie dal Friûl fin sot la Italie" di Josef Marchet
"un sant om, pre Nocent, ma furnît di une diplomazie des plui sutilis"
da "Viaç a Vignesie" di Arturo Feruglio
"un om tant discret e sutîl di inzen che mi palesave dut ce che al saveve cence dîmal a vôs"
da "I forescj" di Alan Brusini, Gian Paolo Linda
sutîl adi.
(su-tîl)
Che al va une vore insot intai detais plui specifics, fasint distinzions ancje dificilis (fig.)
sinonimi
fin
esempi
"a diserin alc di une vore sutîl, vadì masse, e no rivai a capî dut a fat nuie"
da "Un de maiorance" di Agnul di Spere
sutîl adi.
(su-tîl)
Dificil di contentâ (fig.)
sinonimi
dificil, incontentabil, sofistic
proverbi
"cuant che la ue e nas di avrîl, si bêf par sutîl"
"no si file mai tant sutîl che il cjaveç nol salti fûr"
Torna in Cima