SuperDizionari

tra prep.

Par introdusi un complement di lûc, ancje figurât, timp, cuantitât, par indicâ che alc o cdn., al è tal mieç di doi o plui elements, o tal mieç di un alc plui grant, ancje cun sens une vore gjeneric o figurât

sinonims

injenfri, par jenfri, tramieç, fra, jenfri

esemplis

"o sin jessûts tra dôs filis di soldâts cu la baionete in cane che a maledivin, che e pocavin nome se o fossin lâts fûr di file"

gjavât fûr di "Il «miracul» di un ûf" di Pieri Menis

"une strade a magne, scure e scjafoiade tra lis monts"

gjavât fûr di "Il svindic di Rosute" di Alan Brusini

"i saveve di mâr il stâ dut il dì in ufici tra tantis cjartis, massime di Istât"

gjavât fûr di "La sûr" di Pieri Somede dai Marcs

tra prep.

Ancje in espressions fig., cun sfumadure di significât di compagnie e union

sinonims

framieç, injenfri, par jenfri, tramieç, jenfri, fra

esemplis

"in famee, intes situazions di ogni dì, intai rapuarts tra compagns di scuele e coleghis"

gjavât fûr di "Relazion dal Grup di lavôr “Planificazion linguistiche”" di Donato Toffoli

"tra noaltris furlans si fevelave simpri par furlan"

gjavât fûr di "Interviste a Dino Zoff" di Christian Romanin

tra prep.

Par pandi confront, alternative, diference, o ancje mancjance di diference, di plui personis o entitâts

sinonims

jenfri, fra

esemplis

"par vie de grande diference tra la temperadure dal mâr, plui cjalt, e l'aiar frêt, e nas une instabilitât fuarte"

gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador

"la distance teoriche cussì ben esplicitade tal dî lis robis no podeve sei plui grande tra Salvi e Barbine"

gjavât fûr di "Memoriis di politiche linguistiche" di Adrian Cescje

tra prep.

Denant di tiermins no antitetics, al pant une sume parziâl o cumbinazion di elements

sinonims

jenfri

esemplis

"tra il cjalt, tra la int e tra il strenzi, a Jacum no i vignive il flât"

gjavât fûr di "Jacum in zardiniere" di Angelo Covazzi

tra prep.

Par introdusi un complement di timp, indicant un tiermin futûr rispiet a cuant che si fevele

sinonims

ca di, fra, in

esemplis

"tra mancul di un mês e sarà une altre volte la zornade dai 3 di Avrîl, la “Fieste de Patrie dal Friûl”"

gjavât fûr di "La Patrie, la Fieste e la propueste di leç regjonâl" di Marc Stolf

"i doi si saludarin restant in peraule di sintîsi tra une setemane"

gjavât fûr di "Cemût pesâ la tiere" di Angelo Covazzi

monolengâl