Tu âs cirût la peraule
bilengâl monolengâl
Tu âs cirût la peraule
intuizione
torne indaûr

bilengâl

intuizione s.f.
  • 1

    s.f. intuizion Copie

    [TS] filos. (at di cognossince che si fâs cence mediazion di concet)
    per Kant spazio e tempo sono intuizioni pure a priori = par Kant spazi e timp a son intuizions puris a priori
  • 2

    s.f. intuizion Copie

    [CO] (comprension de realtât di istint e imediade)

    s.f. idee, intuizion Copie

    (idee buine, che e vierç pussibilitâts di vantaçs)
    hai avuto una buona intuizione, ne guadagnerai = tu âs vude une buine intuizion oppure idee, tu 'ndi varâs profit
  • 3

    s.f. intuizion Copie

    [CO] (capacitât di intuî situazions, fats, soluzions)
  • 4

    s.f. intuizion Copie

    [TS] teol. (vision beatifiche di Diu, che e je la felicitât dal om di fede)

locuzions

    intuizione eidetica
  • intuizion eideticheCopie
    [TS] filos. (te filosofie fenomenologjiche di Husserl, il cjoli sù la essence dai fenomens in forme imediade)
    • intuizione intellettuale
  • intuizion inteletuâlCopie
    [TS] filos. (at di cognossince di Diu che al rive aes robis cence la mediazion sensibile)
    • intuizione sensibile
  • intuizion sensibileCopie
    [TS] filos. (at di aprension midiant i sens, che e je imediade)

monolengâl

idee s.f.
(i-de-e)
Rapresentazion o elaborazion mentâl di alc di concret o astrat
sinonims
concet, concezion, imagjin, pinsîr
esemplis
"Logos al è duncje [...] chê idee dal om che lu fâs responsabil dal destin che si risierve par se"
gjavât fûr di "Viaç aes origjins dal Logos" di Adrian Cescje
"e je fuarte in Camillo la influence di Llull, soredut la idee di combinatorie"
gjavât fûr di "Il brevet" di Mario Turello
Viôt ancje: indee
idee s.f.
(i-de-e)
(filos.) Imagjin che si fâs la ment di ce che al è ogjet di cognossince
idee s.f.
(i-de-e)
Robe che si pense, massime dal improvîs
sinonims
pinsîr, pensade
esemplis
"alore i ven la idee di clamâ il frut forest a montâ su la slite cun lui"
gjavât fûr di "Neveade" di Marisa Moretti
"cence volê, al sbrisse di gnûf tes sôs ideis plui neris"
gjavât fûr di "La tiere di Lansing" di Maria Forte
idee s.f.
(i-de-e)
Soluzion, invenzion, sisteme e v.i. cjatât dal pinsîr
sinonims
cjatade, ideone, intuizion, invenzion, pensade
esemplis
"o ai jo la idee juste par comedâ lis robis!"
gjavât fûr di "Un bosc cence colôrs" di Franca Mainardis
"biel che al stave pensant il mût di risolvi la situazion, i vignì une idee"
gjavât fûr di "Il miracul des panolis" di Angelo Covazzi
idee s.f.
(i-de-e)
Mût di pensâ, di viodi lis robis, opinion, convinciment
sinonims
convinciment, convinzion, crodince, ideologjie, lubie, parê, pont di viodi, pont di viste, posizion, stoc, pinsîr
esemplis
"tal prin nissun nol jere di idee di comprâju [i ôcs]"
gjavât fûr di "I ôcs di Miute" di Maria Forte
"aial une idee, lui, speziâr…? [...] o dîs se al à une idee di cui che al po jessi stât..."
gjavât fûr di "Int di masnade" di Alviero Negro
idee s.f.
(i-de-e)
Principi, fondament teoric di une dotrine politiche, religjose, filosofiche, sientifiche e v.i.
sinonims
concezion, fondament, fonde, pinsîr, principi, teorie
esemplis
"tu sâs che jo no lu viôt chest Partît. Jo o ai altris ideis. Jo o soi libar e o vuei restâ libar. No vuei tessaris, jo, ni "pudiesis""
gjavât fûr di "Ideis" di Meni Ucel
"no jerin tancj partîts come cumò: a jerin invezit, ad in grues, dôs ideis che si lotavin: di une bande i siôrs e di chê altre il popul"
gjavât fûr di "Il compromesso" di Riedo Pup
"[Australopithecus africanus] e jere propit une “simie bipede” che e confermave lis ideis di Darwin"
gjavât fûr di "Evoluzion umane: la sience e mostre i segrets des nestris origjins" di Claudio Tuniz
"nus àn dit [...] di vê preseade une vore la nestre iniziative, che e jere in cunvigne cu lis lôr ideis politichis, che a jerin marxistis leninistis"
gjavât fûr di "Memoriis di politiche linguistiche" di Adrian Cescje
idee s.f.
(i-de-e)
Nozion schematiche elementâr
esemplis
"par vê une idee dai tancj lûcs dulà che [lis artistis "Feminis dal bosc"] a àn lassât i lôr segns, baste dâ un cuc al sît"
gjavât fûr di "Art che e nas de nature e e torne ae nature" di Erika Adami
"no ai idee di dulà che al sedi lât"
gjavât fûr di "Il muc" di Roberto Ongaro
idee s.f.
(i-de-e)
Pussibilitât imagjinade dal pinsîr o de fantasie
sinonims
ipotesi, pinsîr, prospetive
esemplis
"amavistu la tô esistença e provavistu orôr a la idea de la tô distruzion"
gjavât fûr di "Il farc" di Giovanni Luigi Filli
"dome la idee di scugnî traviersâ la cusine sot dai voi di Berto, i de i sgrisui"
gjavât fûr di "Trê feminis" di Gianni Gregoricchio
idee s.f.
(i-de-e)
Impression che si à o che si fâs
sinonims
imagjin
esemplis
"il fat des pocjis peraulis al da al furlan une idee di concretece"
gjavât fûr di "Interviste a Toni Capuozzo" di Oscar Puntel
"dute la cjase, comò e dave plui idee di grandece"
gjavât fûr di "Cjase di Dalban" di Maria Forte
idee s.f.
(i-de-e)
Cuantitât une vore piçule
sinonims
ombre, ninin, tininin, tic, ongule, ponte, fregul
esemplis
"met un sclip di cafè tal lat, ma pôc, juste une idee"
"Sant Zuan al dismôf une idee di rosade lusinte tun sgrisul di fresc, sore sere"
gjavât fûr di "Friûl di Istât" di Dino Virgili
detulis
"ogni cjâf la sô idee, ogni cjase il so costum, ogni bocje il so pistum"
"ogni cjâf une idee, ogni idee un interès"
"tes ideis si à di sei parons e no fameis"
"une idee e nas tal cjâf ma e cres tal cûr"
torne sù
torne sù