Tu âs cirût la peraule
monolengâl
torne indaûr

monolengâl

barafuse s.f.
(ba-ra-fu-se)
Confusion grande, grant moviment, sunsûr disordenât di int o di robis
sinonims
desio, disio, infier, messedot, mismàs, pastiel, sdavassum, sgjarnum, casin, confusion, daidai, ribalton, agjitazion, babilonie, cjadaldiaul, badaluc, batibui, bordel, confusie, tananai, tibidoi, tirepare, tireparemessede, mulin, balfuerie
esemplis
"e tacarin a sintî la barafuse: siore Anute che a vosave e ogni tant il sustâ de fie"
gjavât fûr di "Antoniuccia e l'abrucês" di Novella Cantarutti
"po une frutate, la plui biele e la plui spirtade, e tacave une cjantose di amôr e di ligrie, e ducj daûrji, dute une barafuse"
gjavât fûr di "La aghe da pît la cleve" di Dino Virgili
barafuse s.f.
(ba-ra-fu-se)
Barufe imburide e pôc ordenade
sinonims
badaluc, batibui, bordel, barufe, daidai, fuligate, pastiel, pestadice, pestefole, 'savalêt, tananai, ribalton, barufon, agjitazion, balfuerie
esemplis
"e je nassude une barafuse di fâ tremâ [tra presonîrs], che i Inglês a àn vût cif e çaf a pasâju cui autoblindâts"
gjavât fûr di "Storie di Min" di Ivano Urli
"ju pestarin di sante reson, ma chei a vevin amîs e a lerin a clamâju, cussì che la barafuse si slargjà e lis legnadis a cresserin di numar e di potence"
gjavât fûr di "Cretevierte" di Roberto Ongaro
torne sù