Hai cercato la parola
monolingue
Torna indietro

monolingue

comandâ v.tr.
(co-man-dâ)
Dâ une istruzion, indicazion e v.i. cun autoritât, a cdn. che al à di ubidî o di cirî di ubidî
sinonimi
domandâ, imponi, intimâ, ordenâ
esempi
"al domandà un passepuart par podê lâ in esili te Belgjiche; ma lis autoritâts jal refudarin e anzit i comandarin di no lassâ il teritori dal Lombart-Venit e di ritirâsi par intant te sô cjase di Spilimberc"
da "Zuan Batiste Cavedalis - Une vite esemplâr" di Giovanni Pillinini
"e cumò par zonte ti comandin di lâ in Lombardie a contâ bufulis e a ti sbalotin cemût che a vuelin, ce di miôr di cussì"
da "Un pugn di moscjis" di Pieri Somede dai Marcs
"ma chei no àn nissune colpe [se a van in vuere a copâ] - e tentave di rispuindi la int. Chei a son comandâts: a van a difindi la patrie, o a slargjâle, o a concuistâ l'impero"
da "Un om indaûr" di Riedo Pup
comandâ v.tr., v.intr.
(co-man-dâ)
Vê il podê di dâ a chei altris indicazions e istruzions che a àn di eseguî
sinonimi
condusi, detâ la leç, direzi, dominâ, guviernâ, messedâ la cjace, meti leç, paronâ, regnâ, rezi, vê la mescule in man
esempi
"a comandâ i 157 militârs de Vuardie Civiche di Martignà al jere il cjapitani cont Adriano Antonini"
da "Il Risorziment a Martignà" di Elio Varutti
"i forin zontâts trê zîrs di fortificazions e muraduris par dâi protezion, lis primis dôs dai venezians e la tierce dai francês che a doprarin Palme cuant che a comandavin su cheste tiere"
da "Passât gloriôs, avignî dubiôs" di Luca Zoratti
"mi vêso comprade sul marcjât? Comandait a lis bestiis e no a mi, alore!"
da "Trê feminis" di Gianni Gregoricchio
comandâ v.intr.
(co-man-dâ)
Rivâ a dominâ une dibisugne, une voie, un istint, un sintiment e v.i.
esempi
"a la panze no si comande masse a lunc"
da "Viaç a Vignesie" di Arturo Feruglio
"mi à fat un discors lunc disintmi dutis chês luianiis che a disin la zoventût di cumò: che al cûr no si po comandâ, che al baste un cûr e une staipe par vivi contents"
da "Lis predicjis dal muini" di Josef Marchet
comandâ v.tr.
(co-man-dâ)
(burocr.) Mandâ cdn. intun lûc o destinâlu a un incaric diferent dal solit
sinonimi
mandâ
esempi
"lui al è dipendent dal Comun, ma lu àn comandât in Regjon"
comandâ v.tr., v.intr.
(co-man-dâ)
[CO] (mec.) Controlâ il funzionament di un orghin o di un mecanisim
esempi
"la man diestre e je diretementri colegade cul emisferi di çampe dal cerviel. Cheste bande dal cerviel e comande: a) la fuarce e la precision de man diestre, b) la peraule c) la autocussience verbâl"
da "Il cjâf dai furlans" di Franc Fari
proverbi
"ai mats e ai parons nissun no ur comande"
"al vâl plui un a fâ che no cent a comandâ"
"bisugne peâ il mus là che il paron comande"
"cui che al comande al paie"
"cui che al sa fâ al sa ancje comandâ"
"cui che no i comande al vizi, il vizi i comande a lui"
"cui che nol sa fâ nol sa nancje comandâ"
"il servidôr al à di fâ ce che il paron al comande"
"la femine che e ubidìs e comande"
"lis voris si comandin bessolis"
"par comandâ si à di savê fâ"
"par podê ben comandâ, bisugne savê fâ"
"paron paie, paron comande"
"peâ il mus là che il paron comande"
"se e comande la femine, e je contrarie al om"
"se tu vûs comandâ, impare prin a ubidî"
Torna in Cima