SuperDizionari

ferade s.f.
(fe-ra-de)

Linie di comunicazion e di traspuart dai trens

sinonimi

ferovie

esempi

"ae fin dal Votcent [...] e ven fate la ferade Udin-Tarvis e daspò chê di Sacîl intal 1911"

da "Studi da la evoluzion dal paisaç mediant i toponims" di Rino Gubiani

"lu meterin te «teritoriâl», ven a stâi a fâ un pôc di dut tal interni: di vuardie a puints su feradis e stradis, di vuardie a dipuesits"

da "Destins" di Pieri Menis

"a cjaminavin par lâ te stazion de ferade"

da "In viaç di domenie" di Agnul di Spere

ferade s.f.
(fe-ra-de)

Segn lassât cjalcjant, tocjant, sfrissant e v.i.

sinonimi

impront, pescjade, stamp, stampe, tibiade, tibie, talpade, cjaradorie, olme, peste

esempi

"e frontave i pîts par tiere lassant la ferade su la glerie"

da "Come tai romançs" di Alan Brusini

"Zuan al infondà i stivai in chel fof [de nêf] cence sintî dut il biel di chê mondisie e cussì al segnà la prime ferade di un pas di om"

da "La tiere di Lansing" di Maria Forte

"tai fossâi dilunc vie la strade, parsore la glace, si viodevin lis feradis des sgliciadis dai fruts"

da "Prime di sere" di Carlo Sgorlon

"li lu cjatarin chei che a vioderin la ferade di sanc"

da "Il Bulo di Crodio" di Maria Forte

ferade s.f.
(fe-ra-de)

Indizi, segnâl o complès di segnâi che a puedin judâ a cjatâ alc o cdn. (fig.)

sinonimi

olme, segn, segnâl

esempi

"[i mucs] a olmavin ogni ferade par dâur la gafe [a dôs spiis talianis]"

da "Cjase di Dalban" di Maria Forte

ferade s.f.
(fe-ra-de)

Schirie di elements o fats de stesse sorte (fig.)

sinonimi

rie, schirie, code, serie

esempi

"risorsis monetariis, necessariis par contrastâ une ferade di rivoltis che a segnaran la storie europeane a tacâ dal XIII secul"

da "La invenzion dal stât" di Fabian Ros

ferade s.f.
(fe-ra-de)

Esempli, model di lâi daûr (fig.)

sinonimi

esempli, model, pescjade, segnâl, spieli, stamp, implant

esempi

"o vevi dedicade la mê opare ancje ae preparazion di tescj didatics par dâ un sugjeriment, une ferade par che altris a continuassin par chê strade"

da "Memoriis di politiche linguistiche" di Adrian Cescje

monolingue