Hai cercato la parola
monolingue
Torna indietro

monolingue

gracie s.f.
(gra-ci-e)
Mût di fâ fin e zentîl
sinonimi
creance, maniere, buinegracie, educazion, elegance, finece, delicatece, sest, zentilece, amabilitât, biel fâ, biel mût, cortesanie, cortesie, degnevolece, galantarie, garbature, rivuart
esempi
"i doi zovins a calmarin la mame, le faserin sentâ doprant dute la gracie e lis tenarecis propriis dai fîs"
da "La cjase di Toni" di Tarcisio Venuti
"e veve une gracie dute particolâr tal movisi, tal doprâ lis mans, tal fâ lis piçulis robis di ogni dì"
da "Il sium di Lissandri" di Franca Mainardis
Vedi anche: grazie
gracie inter.
(gra-ci-e)
Complès di caratars estetics fins e zentîi
sinonimi
armonie, elegance, finece, delicatece, sest, zentilece
esempi
"mi pareve che te sô inocence di aspiet, te sô gracie delicade, si platàs une sostance plui insidiose e sutile"
da "Il dolfin" di Carlo Sgorlon
"braçolant chel fantulin e veve tante gracie e tant cjandôr intorsi [...], che a Matie i someà di vê li denant dai voi il simbul incjarnât de lôr felicitât "
da "Sul agâr" di Pieri Menis
gracie s.f.
(gra-ci-e)
[BF] Tal pl., bielece fisiche o capacitât di seduzion, spec. di une femine
esempi
"e tirave fûr lis sôs graciis plui plenis di strieç, ma Costantin subit si voltave di chê altre bande"
da "Ombris tal infinît" di Carlo Sgorlon
gracie s.f.
(gra-ci-e)
Buine disposizion, benvolence
sinonimi
afiet, amicizie, amistât, benvolence, buinegracie, favôr, simpatie
esempi
"o crôt che al sedi stât chest particolâr a fâme jentrâ in gracie"
da "Trê feminis" di Gianni Gregoricchio
gracie s.f.
(gra-ci-e)
Favôr particolâr
sinonimi
favôr, plasê, cortesie
esempi
"fasimi une gracie, za che tu vâs a fâ la compre, cjolimi il zucar"
gracie s.f.
(gra-ci-e)
At che al concêt in maniere straordenarie di no scontâ une pene o une sô part
sinonimi
perdon, perdonance
esempi
"il procès al fasarà 64 condanis, ma il re al darà la gracie, par finîle li"
da "Il Risorziment a Martignà" di Elio Varutti
gracie s.f.
(gra-ci-e)
[TS] (teol.) Amôr di Diu che al jude la virtût e la salvece dai cristians
esempi
"Crist, muart pai nestris pecjâts, al vûl dî che e je la gracie di Diu che e vinç la nestre tristerie"
da "La Pasche" di Francesc Placerean
gracie inter., s.m.
(gra-ci-e)
Espression par pandi che si à plasê e ricognossince,
esempi
"«Gracie, gracie… Tu mi jevis une crôs dal cûr» "
da "La tiere di Lansing" di Maria Forte
"«No, no, gracie, che fin a ore di gustâ, no usi a cjoli nuie»"
da "Cretevierte" di Roberto Ongaro
"nissun si è nancje insumiât di dînus un gracie"
da "Lis nestris rosis" di Pieri Somede dai Marcs
proverbi
"fate la gracie si à in cûl il sant"
"femine cence gracie pôc e vâl tant che la mignestre cence sâl"
Torna in Cima