Hai cercato la parola
monolingue
Torna indietro

monolingue

marcjât s.m.
(mar-cjât)
Puest, cun dut il so complès di ativitâts, là che si dan dongje, ogni dì o in zornadis fissadis, vendidôrs o produtôrs interessâts a mostrâ e a vendi marcjanzie e compradôrs
sinonimi
fiere
esempi
"al veve passade dute la buinore ator pal marcjât, fermantsi a cjalâ ogni banc di cocis, cirint la plui “juste”"
da "Taiant la coce" di Christian Romanin
"Jacum al jere cognossût in dut il Friûl par vie che al zirave cu la sô marcjanzie par ducj i marcjâts"
da "Foncs" di Angelo Covazzi
"[lis feminis africanis] a viodin de cjase, dai fîs, a fasin di mangjâ, a van a cjoli la aghe tai poçs e dispès a van a marcjât a vendi ce che a produsin"
da "La fuarce de Afriche che no si viôt: lis feminis" di Erika Adami
marcjât s.m.
(mar-cjât)
[TS] (econ.) Complès di ducj i scambis che si riferissin a un setôr o une aree gjeografiche determinade
esempi
"i vins DOC dal Friûl a son in dì di vuê preseâts sul marcjât talian e su chel internazionâl "
da "Storie curte de vît in Friûl" di Enrico Peterlunger
"dome i bens che a son vendûts e comprâts sul marcjât a puedin jessi valutâts tal lôr valôr su la fonde di presits che a nassin di une negoziazion"
da "Dal Prodot Interni Lort aes misuris dal benstâ" di Marzi Strassolt
marcjât s.m.
(mar-cjât)
[BF] Confusion o puest plen di confusion (fig.)
sinonimi
desio, disio, infier, casin, cjadaldiaul, tananai
esempi
"intant al municipi, cu la fiere / des grandis circostancis, dentri e fûr / e fûr e dentri, un mercjât, un sussûr, / ordins, disordins e mes a cariere! "
da "El Cuarantevot" di Pieri Corvat
"[...] un tibidoi e fasin e un marcjât / che ven la ploie"
da "La roseane" di Enrico Fruch
marcjât s.m.
(mar-cjât)
Il marcjadantâ ancje in robis che no si podaressin comprâ e vendi par resons di morâl, onestât, dignitât e v.i. (fig.)
esempi
"[vie pe vuere] tancj a vevin fat marcjât cu la cussience stant in belance fra lis parts, stant atents a no fâ mai calâ un plat plui dal altri a favôr di nissun in chel comercio di compromès, ingredeôs e slichiot, che al po puartâ ancje a no vê plui rispiet di se stes"
da "Il muc" di Roberto Ongaro
proverbi
"adore a marcjât e tart a la vuere"
"al va plui di un mus a marcjât"
"dôs feminis e une ocje a fasin un marcjât"
"no bisugne fâsi fâ gole de robe a bon marcjât"
"no si vent dutis lis pioris che a van a marcjât"
"ogni marcjât al dure trê dîs"
"ognidun cul so sac che al ledi a marcjât"
"prin ton a soreli jevât, cjol il sac e va a marcjât; prin ton a soreli a mont, cjol il sac e va pal mont"
"sul ultin dal marcjât si à la robe simpri a plui bon presit"
Torna in Cima