Tu âs cirût la peraule
monolengâl
torne indaûr

monolengâl

marcjât s.m.
(mar-cjât)
Puest, cun dut il so complès di ativitâts, là che si dan dongje, ogni dì o in zornadis fissadis, vendidôrs o produtôrs interessâts a mostrâ e a vendi marcjanzie e compradôrs
sinonims
fiere
esemplis
"al veve passade dute la buinore ator pal marcjât, fermantsi a cjalâ ogni banc di cocis, cirint la plui “juste”"
gjavât fûr di "Taiant la coce" di Christian Romanin
"Jacum al jere cognossût in dut il Friûl par vie che al zirave cu la sô marcjanzie par ducj i marcjâts"
gjavât fûr di "Foncs" di Angelo Covazzi
"[lis feminis africanis] a viodin de cjase, dai fîs, a fasin di mangjâ, a van a cjoli la aghe tai poçs e dispès a van a marcjât a vendi ce che a produsin"
gjavât fûr di "La fuarce de Afriche che no si viôt: lis feminis" di Erika Adami
marcjât s.m.
(mar-cjât)
[TS] (econ.) Complès di ducj i scambis che si riferissin a un setôr o une aree gjeografiche determinade
esemplis
"i vins DOC dal Friûl a son in dì di vuê preseâts sul marcjât talian e su chel internazionâl "
gjavât fûr di "Storie curte de vît in Friûl" di Enrico Peterlunger
"dome i bens che a son vendûts e comprâts sul marcjât a puedin jessi valutâts tal lôr valôr su la fonde di presits che a nassin di une negoziazion"
gjavât fûr di "Dal Prodot Interni Lort aes misuris dal benstâ" di Marzi Strassolt
marcjât s.m.
(mar-cjât)
[BF] Confusion o puest plen di confusion (fig.)
sinonims
desio, disio, infier, casin, cjadaldiaul, tananai
esemplis
"intant al municipi, cu la fiere / des grandis circostancis, dentri e fûr / e fûr e dentri, un mercjât, un sussûr, / ordins, disordins e mes a cariere! "
gjavât fûr di "El Cuarantevot" di Pieri Corvat
"[...] un tibidoi e fasin e un marcjât / che ven la ploie"
gjavât fûr di "La roseane" di Enrico Fruch
marcjât s.m.
(mar-cjât)
Il marcjadantâ ancje in robis che no si podaressin comprâ e vendi par resons di morâl, onestât, dignitât e v.i. (fig.)
esemplis
"[vie pe vuere] tancj a vevin fat marcjât cu la cussience stant in belance fra lis parts, stant atents a no fâ mai calâ un plat plui dal altri a favôr di nissun in chel comercio di compromès, ingredeôs e slichiot, che al po puartâ ancje a no vê plui rispiet di se stes"
gjavât fûr di "Il muc" di Roberto Ongaro
detulis
"adore a marcjât e tart a la vuere"
"al va plui di un mus a marcjât"
"dôs feminis e une ocje a fasin un marcjât"
"no bisugne fâsi fâ gole de robe a bon marcjât"
"no si vent dutis lis pioris che a van a marcjât"
"ogni marcjât al dure trê dîs"
"ognidun cul so sac che al ledi a marcjât"
"prin ton a soreli jevât, cjol il sac e va a marcjât; prin ton a soreli a mont, cjol il sac e va pal mont"
"sul ultin dal marcjât si à la robe simpri a plui bon presit"
torne sù