SuperDizionari

montafin s.f., s.m.
(mon-ta-fin)

Fin dal mont, o catastrofe tremende

esempi

"la menace di un montafin atomic"

da "Mai plui vuere" di Renzo Balzan

"mi soi visât di vê let di cualchi bande che Nostradamus al varès fissade la montafin propit tal 2013"

da "Il turisim… salt, onest, lavoradôr" di William Cisilino

Vedi anche: montefin

montafin s.m., s.f.
(mon-ta-fin)

Grande confusion, sedi tant che disordin, che tant che sunsûr fuart, che tant che agjitazion di int e v.i. (fig.)

sinonimi

babilonie, baraonde, batibui, bordel, casin, cjadaldiaul, confusion, daidai, disio, fuligate, involuç, marcjât, messedot, mismàs, mulin, pastiel, pestadice, pestefole, pestefruce, ribaltament, ribalton, 'savai, 'savalêt, savoltament, tananai, tibidoi, voluç, badaluc, balfuerie, barafuse, davoi, fracassine, maçalizi, maçarili, diauleç, disastri, rivoluzion

esempi

"cuant che al à sintût chel montafin [il taramot], al à corût svelt difûr par viodi ce che al sucedeve"

da "Faliscjis" di Cristina Noacco

"a son saltâts fûr i muarts, i vîfs, i vicins, i lontans, interès di famee, cuistions di paîs, un montafin!"

da "Par la firme di un contrat" di Pieri Somede dai Marcs

"une dì, ce ti saltial fûr? Al salte fûr che [Betine] se intindeve cun Mante de Miane [...] Podês crodi in cjase! Al nassè il montafin; e in paîs un businament che mai. Ma Betine no si rompè par chest"

da "Destins" di Pieri Menis

montafin s.m., s.f.
(mon-ta-fin)

Temporâl che al fische dut (fig.)

esempi

""Berto, Berto, ven a viodi ce raze di timp che al ven sù! Dai, jeve, stramaledît, che si prepare un montafin!""

da "Aiar di cjase" di Franca Mainardis

"tes gnots di burlaç, cuant che il montafin al scravace plui sfolmenât, tu sintis di chês bandis come a clopetâ talpis di cjaval sul batût"

da "La caroce di aur di Sant Martin" di Josef Cjargnel

monolingue