Hai cercato la parola
monolingue
Torna indietro

monolingue

prove s.f.
(pro-ve)
Control des cualitâts, proprietâts, dal funzionament di un imprest o di un materiâl, des capacitâts, dal talent di une persone, de validitât di une idee, de veretât di une informazion
sinonimi
control, esam, esperiment, verifiche
esempi
"plateformis di ciment armât pes provis dai canons"
da "Storie di Min" di Ivano Urli
"la prove de leture a vôs alte e conferme la armonie metriche de traduzion di Visintin"
da "Note dal curadôr ae traduzion dal Infier di Dante" di Sandri Carrozzo
prove s.f.
(pro-ve)
Session di preparazion di un spetacul
esempi
"i vin fat cjançonetas: e par fâlas a son coventâts: musiciscj e imprescj da sunâju, microfons e altoparlants, oras e oras di prova"
da "In forma di peraulas..." di Giorgio Ferigo
"dopo trê mês di provis [...] o ai podût verificâ che i atôrs sielzûts no dome a jerin ecelents ma che a vevin ancje un potenziâl par svilupâ une relazion straordenarie tra di lôr"
da "Interviste cun Ignacio Vilar" di Fabian Ros
prove s.f.
(pro-ve)
Esperience direte
sinonimi
cercje, certificât, certificazion, esperience, segn, segnâl, testemoneance
esempi
"Ilde e scugnî gloti la delusion, ma dome par rumiâle e sglonfâle dentri di se. Beltram a 'nt fasè la prove su la sô piel"
da "Trê feminis" di Gianni Gregoricchio
prove s.f.
(pro-ve)
Sfuarç fat par rivâ a une ciert risultât
sinonimi
cercje, ciment, colp, mostre, scandai, volte
esempi
"une prove di organizâ partesans su lis monts, fate dal '64-'65 par ordin di Mazzini e finì in nuie pal scjars numar di chei che a rispuinderin"
da "Cuintristorie dal Friûl fin sot la Italie" di Josef Marchet
"lis primis provis di costruî imprescj di contabilitât economiche nazionâl a puedin rimontâ a la Ingletiere dal Sîscent"
da "Dal Prodot Interni Lort aes misuris dal benstâ" di Marzi Strassolt
prove s.f.
(pro-ve)
Risultât di un sfuarç creatîf
sinonimi
opare, vore, lavôr
esempi
"tal 1964 al jes Libers... di scugnî lâ, prime prove poetiche di Leonardo Zanier, che al denunzie la feride grande de emigrazion"
da "Leterature furlane" di Cristina Cescutti
prove s.f.
(pro-ve)
Situazions o cundizion che e met devant di une dificoltât, che e impon un sfuarç
sinonimi
mostre
esempi
"la ultime prove, la ultime pene dal fi, che e jere ancje la sô pene, no le varès volude, ... propit no"
da "Cjase di Dalban" di Maria Forte
"i amîs i àn ancje preparât un biel çoc di len, che i nuviçs a àn di seâ insiemi, prime prove di une vite là che di sigûr lis dificoltâts di frontâ intune no mancjaran"
da "Faliscjis" di Cristina Noacco
"puars mai nô se o falìn cheste prove, se cu la disconcuardie, la faziositât, la insipience o din reson ai corvats dal malauguri che a cuarnin il faliment des autonomiis!"
da "E cumò?" di Josef Marchet
prove s.f.
(pro-ve)
Intal lengaç de scuele, esperiment fat dal insegnant par controlâ la preparazion dal student
sinonimi
compit, esam, test
esempi
"l’esam di cognossince de lenghe e de culture ladine (clamât “patentin”), che al previôt une prove scrite e une orâl"
da "Li che si insegne cul patentin" di Redazion SFF
prove s.f.
(pro-ve)
Gare o part specifiche di une gare sportive
esempi
"tal decathlon a son provis di dîs specialitâts di atletiche lizere"
prove s.f.
(pro-ve)
Segnâl, element o fat che al permet di capî e verificâ situazions, câs, fats, realtâts
sinonimi
cercje, mostre, reson, scandai
esempi
"si son dimissionâts tal cors di chest an, dant une prove negative di individualisim e di iresponsabilitât"
da "Memoriis di politiche linguistiche" di Adrian Cescje
"o resti fer come un basoâl. Se o volevi vê une prove de me stupiditât i soi rivât"
da "Ah! la provincie" di Sandri Di Suald
prove s.f.
(pro-ve)
[TS] (med.) Procediment di analisi par verificâ proprietâts o disposizions, in riferiment a un valôr standard di normalitât
esempi
"dopo lis provis dal sanc e podarà fâlu [fâ une donazion]"
da "Il prossim" di Pieri Somede dai Marcs
"no esist une prove di laboratori pe sô diagnosi [de depression]"
da "Jù di cuarde. Ce fâ" di Guglielmo Pitzalis
Torna in Cima