SuperDizionari

puce s.f.
(pu-ce)

Odôr trist

sinonimi

brut odôr, fetôr, peste, pestilence, trist odôr, tuf

esempi

"si faseve fûc cu la torbe, un fugarel cence flame che al jemplave par dut di une puce che si tacave intor e di fum che al faseve dulî i voi"

da "Il cuader de none" di Pieri Menis

"mi faseve stomi la sô puce di sudadiç"

da "Trê feminis" di Gianni Gregoricchio

"o sint l'odôr de tele militâr misturade a la puce de naftaline"

da "Neapolis" di Checo Tam

Vedi anche: spuce

puce s.f.
(pu-ce)

[BF] Odôr fuart, ma no trist

puce s.f.
(pu-ce)

[BF] Emission di gas intestinâi

sinonimi

pêt, pedeade

puce s.f.
(pu-ce)

[CO] Cuistion problematiche, intrigose, fastidiose e v.i. (fig.)

sinonimi

fastidi, cantin, probleme, cuistion, rogne

esempi

"a son stâts fats i conts: 23,7 milions di euros rivâts de Union Europeane plui centenârs di miârs di euros zontâts ogni an de Regjon pes Cooperativis di gjestion des struturis. [...] E chi a tachin lis pucis [...]"

da "Turisim e albiercs difondûts in mont" di David Zanirato

puce s.f.
(pu-ce)

Element che al fâs suspietâ, che al fâs scrupulâ (fig.)

sinonimi

jenfrisegn, nulôr, odôr, olme, segn, segnâl, spie

esempi

"al sintive za di vê intorsi chê puce che no plâs a di nissun in chest mont: la puce di traditôr"

da "Trê feminis" di Roberto Ongaro

"là che si sintive puce di disubidience, di oposizion, di dissidence a rivavin lis scuadris [fassistis] a dreçâ lis cussiencis"

da "Cuintristorie dal Nûfcent 1920-1930" di Angelo Floramo

monolingue