Tu âs cirût la peraule
monolengâl
torne indaûr

monolengâl

ribaltâ v.tr.
(ri-bal-tâ)
Meti intune posizion contrarie di chê che e jere o di chê naturâl
sinonims
voltâ, meti cui pîts insù, meti cul cûl insù, meti sotsore, rivoltâ, zirâ
esemplis
"e veve fat dute la zornade i macarons, cuant che a jerin cuets i ai dit “Lasse che o ribalti jo la pignate par scolâju”"
gjavât fûr di "Jo e Graziella" di Mario Beltramini
"trê sotans e il fi dal colono, Fidrì, a lavorarin ribaltant dute le tiere"
gjavât fûr di "Sul agâr" di Pieri Menis
ribaltâ v.tr.
(ri-bal-tâ)
Fâ deventâ l'incontrari o fâ cambiâ une vore (fig.)
sinonims
rivoluzionâ, sledrosâ, trasformâ, disledrosâ, voltâ, rivoltâ, savoltâ
esemplis
"cjapât cussì di colp no i lave jù chê storie dal Concuardât che i faseve ribaltâ dutis lis ideis"
gjavât fûr di "11 di Fevrâr 1929" di Pieri Somede dai Marcs
"une fase di tratament tecnologjic che [...] e da plui risorsis par ribaltâ i fenomens di sostituzion linguistiche che a podaressin puartâlis a sparî"
gjavât fûr di "La elaborazion di un corpus etichetât de lenghe furlane scrite: esperiments e prospetivis" di Sandri Carrozzo
ribaltâ v.tr.
(ri-bal-tâ)
Meti in disordin
sinonims
rivoluzionâ, butâ par aiar, meti sotsore, savoltâ, rivoltâ
esemplis
"cetancj dispiets che i fasevin [...] i ribaltavin la vetrine, i puartavin vie la barete, o fasevin fente di scjampâ sence paiâ"
gjavât fûr di "La scuele viere" di Sergio Visentin
ribaltâ v.tr.
(ri-bal-tâ)
Dâ fastidi, fâ une sensazion negative, fâ stâ mâl (fig.)
sinonims
voltâ, savoltâ, fâ zirâ, fâ voltâ, messedâ, rivoltâ
esemplis
"un odôr lisp che i ribaltà il stomi"
gjavât fûr di "Madalene" di Franco Marchetta
ribaltâ v.tr.
(ri-bal-tâ)
Fâ colâ alc o cdn.
sinonims
butâ jù, parâ jù, rivoltâ, sgjaventâ, strucjâ
esemplis
"al butà il pac dai libris su la taule, e par un pêl nol ribaltà il vâs dal zucar"
gjavât fûr di "Prime di sere" di Carlo Sgorlon
"si tachin a scopulis, / si branchin pal cuel, / ribaltin lis taulis, / sucêt un pestel"
gjavât fûr di "Ai piombi" di Romeo Battistig (?)
"un grant scufiot che ti rive intune orele e cuasi ti ribalte de cjadree"
gjavât fûr di "Contis sot spirt" di Raffaele Serafini
ribaltâ v.tr.
(ri-bal-tâ)
Fâ colâ, fâ finî un podê, fâ cessâ une autoritât (fig.)
sinonims
fâ colâ, butâ jù, parâ jù, savoltâ
esemplis
"a ciraran aleancis par podê ribaltâ la maiorance"
gjavât fûr di "Strolic di Inviar" di Riedo Pup
torne sù