Hai cercato la parola
monolingue
Torna indietro

monolingue

ribaltâ v.tr.
(ri-bal-tâ)
Meti intune posizion contrarie di chê che e jere o di chê naturâl
sinonimi
voltâ, meti cui pîts insù, meti cul cûl insù, meti sotsore, rivoltâ, zirâ
esempi
"e veve fat dute la zornade i macarons, cuant che a jerin cuets i ai dit “Lasse che o ribalti jo la pignate par scolâju”"
da "Jo e Graziella" di Mario Beltramini
"trê sotans e il fi dal colono, Fidrì, a lavorarin ribaltant dute le tiere"
da "Sul agâr" di Pieri Menis
ribaltâ v.tr.
(ri-bal-tâ)
Fâ deventâ l'incontrari o fâ cambiâ une vore (fig.)
sinonimi
rivoluzionâ, sledrosâ, trasformâ, disledrosâ, voltâ, rivoltâ, savoltâ
esempi
"cjapât cussì di colp no i lave jù chê storie dal Concuardât che i faseve ribaltâ dutis lis ideis"
da "11 di Fevrâr 1929" di Pieri Somede dai Marcs
"une fase di tratament tecnologjic che [...] e da plui risorsis par ribaltâ i fenomens di sostituzion linguistiche che a podaressin puartâlis a sparî"
da "La elaborazion di un corpus etichetât de lenghe furlane scrite: esperiments e prospetivis" di Sandri Carrozzo
ribaltâ v.tr.
(ri-bal-tâ)
Meti in disordin
sinonimi
rivoluzionâ, butâ par aiar, meti sotsore, savoltâ, rivoltâ
esempi
"cetancj dispiets che i fasevin [...] i ribaltavin la vetrine, i puartavin vie la barete, o fasevin fente di scjampâ sence paiâ"
da "La scuele viere" di Sergio Visentin
ribaltâ v.tr.
(ri-bal-tâ)
Dâ fastidi, fâ une sensazion negative, fâ stâ mâl (fig.)
sinonimi
voltâ, savoltâ, fâ zirâ, fâ voltâ, messedâ, rivoltâ
esempi
"un odôr lisp che i ribaltà il stomi"
da "Madalene" di Franco Marchetta
ribaltâ v.tr.
(ri-bal-tâ)
Fâ colâ alc o cdn.
sinonimi
butâ jù, parâ jù, rivoltâ, sgjaventâ, strucjâ
esempi
"al butà il pac dai libris su la taule, e par un pêl nol ribaltà il vâs dal zucar"
da "Prime di sere" di Carlo Sgorlon
"si tachin a scopulis, / si branchin pal cuel, / ribaltin lis taulis, / sucêt un pestel"
da "Ai piombi" di Romeo Battistig (?)
"un grant scufiot che ti rive intune orele e cuasi ti ribalte de cjadree"
da "Contis sot spirt" di Raffaele Serafini
ribaltâ v.tr.
(ri-bal-tâ)
Fâ colâ, fâ finî un podê, fâ cessâ une autoritât (fig.)
sinonimi
fâ colâ, butâ jù, parâ jù, savoltâ
esempi
"a ciraran aleancis par podê ribaltâ la maiorance"
da "Strolic di Inviar" di Riedo Pup
Torna in Cima