SuperDizionari

rosari s.m.
(ro-sa-ri)

Preiere pe Madone, componude di cuindis desenis di avemariis intierçadis cun parinestris e introdusudis ognidune di un dai cuindis misteris

esemplis

"il muini de glesie al ten sù il rosari, e une dozene di personis, fra grancj e piçui, a vegnin a preâ"

gjavât fûr di "Lis predicjis dal muini" di Josef Marchet

"dal fogolâr di Neto no si saltave fûr par lâ in nissun sît, dopo cene, se prin no si diseve il rosari, che lu tignive sù il von"

gjavât fûr di "Rosaris" di Meni Ucel

rosari s.m.
(ro-sa-ri)

Sorte di golaine cun grans o sim. che a judin a tignî il cont di ogni singule preiere dal rosari

sinonims

corone, corone dal rosari

esemplis

"e jere buine di stâ ancje une ore sentade a preâ [...] nome intente a disglagnâ i grans dal rosari che e tignive te sachete dal grumâl"

gjavât fûr di "Par stradis lungjis" di Alan Brusini

"tra i dêts incrosâts il rosari di arint, chel de sô prime Comunion"

gjavât fûr di "Une lûs celestine..." di Pieri Somede dai Marcs

rosari s.m.
(ro-sa-ri)

Serie, secuence di elements o fats simii o compagns, spec. cun sens negatîf

sinonims

schirie, serie, sfilze, rie

esemplis

"e culì al scomence un rosari di manovris di ogni fate, par no lassâsi scjampâ di man chel careghin"

gjavât fûr di "Cuintristorie dal Friûl fin sot la Italie" di Josef Marchet

"e à cjatât il cantin che il gno cjan i à folpeât il lidric, par butâ fûr un rosari di malis peraulis cuintri di me"

gjavât fûr di "Varc di confin" di Maria Forte

"passâ de lûs al scûr tun rosari di galariis"

gjavât fûr di "La tiere di Lansing" di Maria Forte

monolengâl