Hai cercato la parola
monolingue
Torna indietro

monolingue

rosari s.m.
(ro-sa-ri)
Preiere pe Madone, componude di cuindis desenis di avemariis intierçadis cun parinestris e introdusudis ognidune di un dai cuindis misteris
esempi
"il muini de glesie al ten sù il rosari, e une dozene di personis, fra grancj e piçui, a vegnin a preâ"
da "Lis predicjis dal muini" di Josef Marchet
"dal fogolâr di Neto no si saltave fûr par lâ in nissun sît, dopo cene, se prin no si diseve il rosari, che lu tignive sù il von"
da "Rosaris" di Meni Ucel
rosari s.m.
(ro-sa-ri)
Sorte di golaine cun grans o sim. che a judin a tignî il cont di ogni singule preiere dal rosari
sinonimi
corone, corone dal rosari
esempi
"e jere buine di stâ ancje une ore sentade a preâ [...] nome intente a disglagnâ i grans dal rosari che e tignive te sachete dal grumâl"
da "Par stradis lungjis" di Alan Brusini
"tra i dêts incrosâts il rosari di arint, chel de sô prime Comunion"
da "Une lûs celestine..." di Pieri Somede dai Marcs
rosari s.m.
(ro-sa-ri)
Serie, secuence di elements o fats simii o compagns, spec. cun sens negatîf
sinonimi
schirie, serie, sfilze, rie
esempi
"e culì al scomence un rosari di manovris di ogni fate, par no lassâsi scjampâ di man chel careghin"
da "Cuintristorie dal Friûl fin sot la Italie" di Josef Marchet
"e à cjatât il cantin che il gno cjan i à folpeât il lidric, par butâ fûr un rosari di malis peraulis cuintri di me"
da "Varc di confin" di Maria Forte
"passâ de lûs al scûr tun rosari di galariis"
da "La tiere di Lansing" di Maria Forte
Torna in Cima